Papila leri ri na 5 wa tipheji.
SWITSUNDZUXO
Papila leri ri avanyisiwile hi swiyenge swinharhu:
U languteriwa ku hlamula xivutiso XIN'WE eka xiyenge xin'wana ni xin'wana.
Sungula ku hlamula xivutiso XIN'WANA NI XIN'WANA eka pheji YINTSHWA u tlhela u nkhwatihata emakumu ka xiyenge xin'wana ni xin'wana.
Endla nkunguhato u nga si sungula ku tsala ntirho wa wena. Tirhisa pheji yin'we ntsena ku kombisa leswi u kunguhatiseke xiswona xitsalwana xa wena. Le henhla ka pheji leyi ku fanele ku tsariwa hi maletere lamakulu leswaku i NKUNGUHATO. U nga tirhisa mimepe yo hlengeleta miehleketo. Nkunguhato wu ta averiwa timaraka.
Tsala hi vurhon'wana (swi saseka no vonaka), u landzelela milawu leyi faneleke ya mapeletelo na mahikahatelo.
Vumba tinxaka to hambanahambana ta swivulwa hi ndlela leyi amukelekaka.
Landzelela swiletelo leswi andlariweke eka xivutiso xin'wana ni xin'wana.
XIYENGE XA A: SWITSHURIWA SWA SWITSALWANA XIVUTISO XA 1
Swiletelo:
Hlawula nhlokomhaka YIN'WE ntsena leyi u yi twisisaka swinene kutani u tsala xitsalwana ha yona, kambe u nga humi emhakeni.
Rhanga u endla nkunguhato u nga si sungula ku tsala.
Xitsalwana xa wena xi fanele ku va kwalomu ka 200 - 250 wa marito.
Sungula nhlamulo ya wena eka pheji yintshwa.
Xiya xifaniso lexi nga laha hansi. Rungula hi ta ntlangu lowu u nga tshama u tiphina hi wona wo fana ni lowu.
Xi huma eka Sowetan ya siku ra 19-09-200740
KUMBE
KUMBE
Vatswari va wena va ku endlerile timhaka to tala ta kahle evuton'wini bya wena. Hlamusela swilo hinkwaswo leswi va nga ku endlela swona. [40]
KUMBE
Xitsongwatsongwana xa Nkayiveta-Nsawuto (XNN/HIV)xi endla leswaku vanhu vo tala va fa. Hlamusela tindlela leti nga pfunetaka ku hunguta khombo leri vangiwaka hi xitsongwatsongwana lexi. [40]
KUMBE
Hlamusela leswi vantshwa va nga endlaka swona ku hambana ni mhaka ya vugevenga. [40]
KUMBE
Hi rungulele xitori lexi nga ku tsakisa lexi u xi tweke eka rhadiyo kumbe lexi u xi voneke eka thelevhixini. [40]
NTSENGO WA XIYENGE XA A: 40
Swiletelo:
Hlawula nhlokomhaka YIN'WE ntsena leyi u yi twisisaka swinene kutani u tsala xitsalwambiko ha yona, kambe u nga humi emhakeni.
Rhanga u endla nkunguhato u nga si sungula ku tsala.
Xitsalwambiko xa wena xi fanele ku va kwalomu ka 80 - 100 wa marito.
Sungula nhlamulo ya wena eka pheji yintshwa.
KUMBE
Munghana wa wena u tshamile nkarhi wo leha a nga kumi ntirho, kambe sweswi wa ha ku thoriwa. Tsala papila ro tlangela leswi a nga kuma ntirho. [20]
KUMBE
Ekaya ka n'wina ku ni nkosi. Tsala papila u hlamusela nhloko ya xikolo leswaku a wu koti ku ya exikolweni hikwalaho ka mhaka leyi. [20]
NTSENGO WA XIYENGE XA B: 20
Swiletelo:
Hlawula nhlokomhaka YIN'WE ntsena leyi u yi twisisaka swinene kutani u tsala xitsalwambiko ha yona, kambe u nga humi emhakeni.
Rhanga u endla nkunguhato u nga si sungula ku tsala.
Xitsalwambiko xa wena xi fanele ku va kwalomu ka 60 - 80 wa marito.
Sungula nhlamulo ya wena eka pheji yintshwa.
Ku nga ri khale u ta va ni nkhuvo wo tlangela siku ro velekiwa ka wena. Tsala khadi u rhamba munghana wa wena ku ta eka nkhuvo lowu. [20]
KUMBE
Emugangeni wa ka n'wina mi kunguhatile leswaku ku va ni xikhongelo xo kombela mpfula. Tsala xinamarhetwa/phositara yo tivisa vanhu hi mhaka leyi. [20]
KUMBE
Exitolo xa ka Machipisana ku ni mbhukuto wa swakudya swo karhi. Boxa mavito ya swakudya leswi u tlhela u kombisa nxavo wa swona wa khale ni nxavo wa swona lowuntshwa. [20]
NTSENGO WA XIYENGE XA C: 20
NTSENGO WA TIMARAKA: 80
